Բլոտ 1-ը 1-ի դեմ

Կապուկը և բաժանումը

• Կապուկը 24 թուղթ է՝ յուրաքանչյուր մաստից 9, 10, վալետ, դամա, կառոլ և տուզ։ Յոթ և ութ չկան։
• Բաժանողը յուրաքանչյուրին տալիս է 3 թուղթ և ևս 3․ յուրաքանչյուրի մոտ 6 թուղթ է։ Հաջորդ թուղթը նա բացում է սեղանին։
• Բաժանում են հերթով։ Առաջին ձեռքը սկսում է բաժանողի մրցակիցը՝ անկախ նրանից, թե ով է ընտրել կոզըրը։

Կոզըրի ընտրությունը

• Առաջին շրջան՝ սկզբում բաժանողի մրցակիցը, հետո բաժանողը որոշում են՝ վերցնել կոզըրը (բաց թղթի մաստը), թե ասել «պաս»։
• Ով վերցրեց կոզըրը, վերցնում է բաց թուղթը և ևս 2 թուղթ կապուկից, մյուսը՝ 3 թուղթ կապուկից․ յուրաքանչյուրի մոտ 9 թուղթ է։
• Եթե բաց է վալետը, և բաժանողի մրցակիցն ասել է «պաս», բաժանողը պարտավոր է վերցնել․ կոզըրը վալետի մաստն է, վալետը՝ նրան։
• Երկրորդ շրջան (երկուսն էլ ասել են «պաս»)՝ կարելի է ընտրել այլ մաստ կամ առանց կոզըրի։ Կոզըր ընտրողն է որոշում՝ վերցնել բաց թուղթը, թե ոչ․ վերցրեց՝ կապուկից լրացնում է 2, չվերցրեց՝ 3։ Չվերցված բաց թուղթը մյուսը չի կարող վերցնել, այն չի խաղում։
• Երկու շրջանում ոչ ոք կոզըր չընտրեց՝ բաժանողը պարտավոր է ասել բաց թղթի մաստից տարբեր մաստ կամ առանց կոզըրի։ Բաց թուղթը նա կարող է վերցնել։

Օրինակ՝ բաց է 10-ը, երկուսն էլ երկու անգամ ասել են «պաս», դուք բաժանողն եք և ընտրեցիք ։ Կարող եք վերցնել 10-ը և լրացնել 2 թուղթ կապուկից, չվերցրիք՝ 3։

Քայլ, կոմբինացիաներ, քուանշ

• Մաստով դնում, կոզըրով խփում և գերազանցում են այնպես, ինչպես բազար բլոտում։
• Թերզ, «50», «100», 4 թուղթ և բլոտ՝ ինչպես բազար բլոտում։ Հայտարարում են առաջին ձեռքում, յուրաքանչյուրն իր հերթին․ մեծ կոմբինացիան անցնում է, փոքրը չի հաշվվում։ Ցույց են տալիս երկրորդ ձեռքում։
• 1-ը 1-ի դեմ խաղում քուանշ և սուր չկան։

Հաշիվը

• Ով ընտրել է կոզըրը, պետք է ավելի շատ միավոր հավաքի, քան մրցակիցը՝ թղթերն ու կոմբինացիաները միասին։ Հավասար է՝ նույնպես հանեց։
• Կապուկի 6 թուղթը չի խաղում։ Համեմատում են ձեռքերով հավաքածը՝ առանց այդ թղթերի։ Եթե կոզըր ընտրողը խաղաց, այդ թղթերի միավորները գումարվում են նրան, հետո կլորացվում են։
• Չխաղաց՝ մրցակցին 16 և երկուսի կոմբինացիաները, կոզըր ընտրողին՝ 0։
• Կապուտ՝ բոլոր 9 ձեռքերը՝ 21 և սեփական կոմբինացիաները։
• Առանց կոզըրի հաշվվում է սովորական մաստի պես, չի կրկնապատկվում․ տուզն արժե 19։

Օրինակ՝ կոզըրը ձերն է, դուք ունեք 84, մրցակիցը՝ 58, կապուկում 20 է․ ձեզ 104 → 10, մրցակցին 58 → 6։

Օրինակ՝ կոզըրը ձերն է․ ձեզ մոտ 70 + թերզ 20 = 90, մրցակցի մոտ՝ 92․ չխաղացիք՝ մրցակցին 16 + 2 = 18, ձեզ՝ 0։

Խաղի ավարտը

Խաղում են մինչև 51, 101 կամ 151՝ ընտրում են սկզբից։ Բաժանումների միավորները գումարում են։

«Բլոտ» խաղում

1-ը 1-ի դեմ վարկանիշն առանձին է։ Կան պատահական խաղացողներ, մրցաշարեր, սեղան ընկերոջ հետ և մարզում ուժեղ բոտի հետ։